Lansiwyd y Prosiect Dysgu Cyfoedion gan Shelter Cymru yn 2003. Ei nod yw i hyfforddi pobl ifanc ddigartref i gyflwyno gwybodaeth i'w cyfoedion mewn ysgolion a sefydliadau eraill am sut i osgoi digartrefedd.

Mae prosiect 'Plain Simple Truth' yn rhoi cyflwyniadau ar hyd a lled De Cymru i ysgolion a sefydliadau eraill sy'n gweithio gyda phobl ifanc. Mae'n darparu gwybodaeth am ddigartrefedd, sut i'w osgoi, a beth allwch chi wneud os yw'n digwydd i chi.

Mae'r wybodaeth yn seiliedig ar brofiadau'r addysgwyr cyfoedion eu hunain o ddigartrefedd a phroblemau tai.

Mae Shelter Cymru hefyd wedi cynhyrchu pecyn sbarduno ar gyfer sefydliadau eraill sydd â diddordeb mewn dechrau prosiectau tebyg eu hunain ar ddigartrefedd a thai, ac mae modd llwytho hwn o'r wefan. Gallwch gael mwy o wybodaeth wrth Jon Parvin ar 01792 483074 neu drwy ebost.

Mae'r Pecyn Sbarduno Dysgu Cyfoedion wedi ei anelu at sefydliadau sy'n gweithio gyda phobl ifanc ddigartref sydd eisiau dechrau a chyflwyno prosiect eu hunain ar ddigartrefedd a thai ymhlith pobl ifanc.

Mae'n cynnwys adrannau ar:

•  sefydlu cytundeb gweithiol gydag asiantaeth bartner
•  y broses recriwtio
•  deunydd hyfforddiant
•  hyfforddiant preswyl
•  cyflwyniadau
•  adborth
•  achrediad

Gallwch lwytho'r pecyn yn llawn drwy ddilyn y dolenni isod.

Cymraeg (safon sgrîn) 1.9 MB

Saesneg (safon sgrîn) 1.9 MB

Cymraeg (safon argraffu) 3.8 MB

Saesneg (safon argraffu) 3.8 MB